seirler.info

    (Zəlimxan Yaqub)
    
    Demək halalına haramlıq qatıb,
    Tutduğu zirvədən enirsə şair.
    Demək ortalıqda şeytan işi var,
    Kor qalan ocaqtək sönürsə şair.
    
    Səsi dağdan gəlir, arandan gəlir,
    Sədası İrandan, Turandan gəlir.
    Mayası Ayədən, Qurandan gəlir,
    Yenilməz zamanı yenirsə şair.
    
    Ruhu olmayanın tərpənməz tükü,
    Ürəyi olanın sevgidir yükü.
    Dərin bir keçmişə bağlıdı kökü,
    Ürəkdə heykələ dönürsə şair.
    
    Saflığı dağların dümağ qarıdı,
    Yönü düzə sarı, haqqa sarıdı.
    Dediyi Allahın kəlamlarıdı,
    Peyğəmbər dilində dinirsə şair.


    ______________________________________________
    Teqlər: Zəlimxan Yaqub şeirləri, 
    Zəlimxan Yaqub şair,sair seiri,şeir,
    şair zelimxan yaqub,seir,seirler,
    zelimxan yaqub seirleri,şeirlər
  
#SevgiŞeirləri|#AyrılıqŞeirləri|#VətənpərvərlikŞeirləri