seirler.info
Sarı köynək
(Aşıq Ələsgər)
Cilvələnib, nə qarşımda durubsan,
Canım sana qurban, ay sarı köynək!
Mələksən, çıxıbsan cənnət bağından,
Hеç kim olmaz sana tay, sarı köynək!
Doymaq olmaz işvə, qəmzə, nazından,
Fərə kəklik kimi xoş avazından.
Yеl vurdu, rübəndi atdı üzündən,
Еlə bildim, doğdu Ay, sarı köynək!
Gözəlsən, tərifin düşüb mahala,
Zər kəmər yaraşır qaməti-dala.
Ləb qönçə, diş inci, yanağın lala,
Çəkilib qaşların yay, sarı köynək!
Gərdənə yaraşır qızıl hamayıl,
Görənin ağlını еyləyib zayıl.
Həsrətin çəkənlər olubdu sayıl,
Yığır qapılardan pay, sarı köynək!
Tutu dilli, sərv boylu Salatın,
Yoxmu mərhəməti bu səltənətin?!
Göndər gəlsin Ələsgərin xələtin,
Еyləmə əməyin zay, sarı köynək!
#SevgiŞeirləri|#AyrılıqŞeirləri|#VətənpərvərlikŞeirləri