seirler.info
ŞƏHİD ANASI
(Xalidə Nuray)
Şəhid anasının fəryadı, ahı,
Ucalır göylərə, ərşə yetişir.
Qəlbinə göylərdən göz yaşı yağır,
Elə bil Allahla, ana dərdləşir.
Ana ağı deyir öz balasına,
Sanki qucağında onu yatırır.
Mələk xoş ətirli Şəhid ruhunu,
Acı göz yaşıyla haqqa yetirir.
Ana gah ağlayır, hıçqırır, susur,
Gah da ki, barışır oğul dərdiylə.
Bəzən ərk eyləyib Tanrıdan küsür,
Bəzən də odlanır can həsrətiylə.
Baxıram anaya, qəlbim oyulur,
Söz tapa bilmirəm təsəlli üçün.
Onun dərd dünyası dünyamı oyur,
Məni dara çəkir söz için-için.
Bircə söz deməyə borclu qalıram,
Səbr edin analar, o gün olacaq.
Qisas alacağıq mənfur düşməndən,
Ağlar gözünüzə sevinc dolacaq.
______________________________________________
Teqlər: Xalidə Nuray şeirləri,
Xalidə Nuray şəhid anası şeiri,
sehid anasi seiri Xalide Nuray,
xalide nuray seirleri,şeirlər,şeir
#SevgiŞeirləri|#AyrılıqŞeirləri|#VətənpərvərlikŞeirləri