seirler.info
Şəhidim
(Xalidə Nuray)
Sən bir ölməz həqiqət,
Müqəddəslik rəmzisən.
Dağ vüqarlı Şəhidim,
Vətənimin özüsən.
Silinməz tarix yazdın,
Sınmaz cəsarətinlə.
Yağıya məzar qazdın,
Öc aldın qeyrətinlə.
Öz məğrur gülüşünlə,
Qarşıladın ölümü.
Ölməzliyə ucaldın,
Dərdin şəhid gülünü.
Ağlar gözlü ananın,
Qürur verən ahısan.
Gələcək nəsillərin,
Nur üzlü sabahısan.
Azadlığın sipəri,
Səngərisən Şəhidim.
Vətən adlı əsərin,
Mərd ərisən Şəhidim.
______________________________________________
Teqlər: Xalidə Nuray şeirləri,
Xalidə Nuray şəhidim şeiri,
sehidim seiri Xalide Nuray,
xalide nuray seirleri,şeirlər,şeir
#SevgiŞeirləri|#AyrılıqŞeirləri|#VətənpərvərlikŞeirləri