seirler.info
Sənə necə şeir yazım
(Elvin Elxanoğlu)
Sənə necə şeir yazım?
Aciz qalır kəlmələr,
Səni necə vəsf eyləyim?
Qorxuram ki, nəzər dəyər.
Sən o qədər dəyərlisən,
Almazlar kölgədə qalır.
Görən günəş inciməz ki,
Desəm, səndən işıq alır?
Sənə necə şeir yazım?
Qələm yazmağa utanır.
Sən o qədər gözəlsən ki,
Görən səni mələk sanır.
Günəş gözlərində doğur,
Kirpiyinlə şəfəq saçır.
Bilirsənmi sən güləndə
Gül üzündə güllər açır?
Sənə necə şeir yazım?
Sən Tanrının əsərisən.
Gözəl desəm, düzgün olmaz,
Sən gözəlin ötəsisən.
#SevgiŞeirləri|#AyrılıqŞeirləri|#VətənpərvərlikŞeirləri