seirler.info
Sənə yazdım
(Rəşad Azəri)
Aygün xanıma ithafən...
Bu şeiri sənə yazdım:
Sevənlərin sözlərindən.
Məni necə sevdiyini
Gördüm sevən gözlərindən.
Bu şeiri sənə yazdım:
Ömrün keçən yollarında.
Dünya boyda tale yükün
Daşımısan qollarında.
Bu şeiri sənə yazdım:
Bəyazlaşan tellərindən.
Qayğıların mürəkkəbi
Kitab yazdı illərindən.
Bu şeiri sənə yazdım:
Evimin od istisindən.
Sənə bir ev də qurmuşam:
Ömrümün şam tüstüsündən.
_______________________________________________
Teqlər: Rəşad Azəri şeirləri
#SevgiŞeirləri|#AyrılıqŞeirləri|#VətənpərvərlikŞeirləri