seirler.info
Səni dünyalara dəyişmərəm mən
(Elvin Elxanoğlu)
Səninlə bu dünya gözəldi mənə,
Səninlə hər anım özəldi mənə.
Ay mənim sevgimin solmayan gülü,
Varlığın məlhəmdi sevən qəlbimə.
Səninlə dəyərli olur zamanım,
Olmasın, gözəlim, sənsiz bir anım.
Mən sanki səninlə bütöv oluram,
Bir gün olmayanda qalıram yarım.
Səni dünyalara dəyişmərəm mən,
Hər kəsin dünyası özünə qalsın.
Uca Yaradandan tək arzum budu:
Səni taleyimə əbədi yazsın!
#SevgiŞeirləri|#AyrılıqŞeirləri|#VətənpərvərlikŞeirləri