seirler.info

    (Nəbi Xəzri)
    
    Qarlı bir zirvə olsan,
    Ağ buludun olaram.
    Dərin xəyala dalsan,
    Mən sükutun olaram.
    
    Çəmən olsan əgər sən,
    Sərin yağış çılərəm.
    Əgər dənizə dönsən
    Sahilə çevrilərəm.
    
    Qovmuşam dərdi, qəmi,
    Xoşbəxtin ilki mənəm.
    Səslənsən nəğmə kimi,
    Sözlərin, bil ki, mənəm!
    
    Məni susdursa zaman,
    Səni özüm sanaram.
    Səhər kimi oyansan,
    Günəş kimi yanaram.
  
  

    ______________________________________________
    Teqlər:  Nəbi Xəzri şeirləri, 
    Nəbi Xəzri sənin üçün şeiri,
    senin ucun seiri nebi xezri,
    Məşəl kimi yanan ürək,seirler,
    nebi xezri seirleri,şeirlər
  
#SevgiŞeirləri|#AyrılıqŞeirləri|#VətənpərvərlikŞeirləri