seirler.info
Sənsiz dünya yoxdur
(Cabir Novruz)
Mənim tənha qoyub,
gedən əzizim.
Sənsiz yaşamaqda
məna görmürəm.
Elə bil tutulub tamam,
sağ gözüm.
Bir gözlə necədir, dünya,
görmürəm.
***
Qışı qış görmürəm,
yazı-yaz gülüm.
Toyu-toy görmürəm,
yası-yas gülüm.
Dolaşıb ünvanım,
işim, mənzilim.
Gündüzdür, gecədir
dünya görmürəm.
***
Həyat gözlərimdə,
gözündən batıb.
Az qala yadımdan
çıxıbdır adım.
İtibdir hər şeyin
ləzzəti, dadı.
Şirindir-acıdır,
dünya bilmirəm.
***
Əzilib sınmışam,
daşlıq içində.
Boz daşa dönmüşəm,
daşlıq içində.
Gəzib dolaşıram,
boşluq içində.
Nə şeydir, nəçidir,
dünya bilmirəm.
***
Canlıyam, ya nəyəm,
baş açmayıram.
Göydəyəm, yerdəyəm,
baş açmayıram.
Bəlkə sehrdəyəm,
baş açmayıram.
Kələk, tapmacadır,
dünya bilmirəm.
***
Dünya tamaşadır,
belə deyiblər.
Sənsiz o tamaşa,
bitdi heyflər.
Qaldı sənlə keçən
ömrüm seyfdə,
Dumanlı bacadır,
dünya bilmirəm.
______________________________________________
Teqlər: Cabir Novruz şeirləri,
Cabir Novruz sənsiz dünya yoxdur şeiri,seirler,
sensiz dunya yoxdur seiri cabir novruz,şeir,
şeirlər,cabir novruz sensiz dunya yoxdur,
cabir novruz seirleri
#SevgiŞeirləri|#AyrılıqŞeirləri|#VətənpərvərlikŞeirləri