seirler.info
ŞƏRUR ELİMİZ
(Xalidə Nuray)
Ağrıdağ boylanır Heydərbabaya,
Araz ağı deyir əsən səbaya,
Yurdunu güvənməz yetən gədaya,
Dildə dastan olub Şərur elimiz.
Mərdi-mərdanədi,saf ürəklidi,
Qonaqlı-qaralı duz-çörəklidi,
Haqqa söykənibdi haqq diləklidi,
Ləldə dastan olub Şərur elimiz.
Yallısı səs salıb elə-obaya,
Halay çəkən qızlar bənzər sonaya,
Kərəm yanğısını sazla oxşayan,
Teldə dastan olub Şərur elimiz.
Qıy vurar çağlayar dağ şəlaləsi,
Min dərdə şəfadı bir piyaləsi
Sürməli gəlin tək xallı laləsi,
Güldə dastan olub Şərur elimiz.
Qanla göyəribdi tarix daşında,
Ərənlər iz qoyub ər savaşında,
Baş qoyub Vətənçün hər qarışında,
Eldə dastan olub Şərur elimiz.
______________________________________________
Teqlər: Xalidə Nuray şeirləri,
Xalidə Nuray Şərur elimiz şeiri,
serur elimiz seiri Xalide Nuray,
xalide nuray seirleri,şeirlər,şeir
#SevgiŞeirləri|#AyrılıqŞeirləri|#VətənpərvərlikŞeirləri