seirler.info

    (Xəlil Rza Ulutürk)
    
    Kainat günəşlə, yer üzü yazla 
    Ürəyim səninlə doludur, gülüm. 
    Axmısan ömrümə gülüşlə, nazla. 
    Gəl, uçaq şərikli qanadımızla,
    Ən böyük sevinclə sevinim, gülüm. 
    Ürəyim səninlə doludur, gülüm!
    Dənizdən çıxırsan...
     ayağın qumlu,
    Yaş bədən yapışıb yaş paltarına. 
    İzin ver göylərdən ensin mələklər, 
    Gəlib su töksünlər ayaqlarına.
    Bəlkə susamısan
     alıb Göygölü
    Uzadım ovcumda dodaqlarına.
    
    Uzun kirpiklərin kölgəliyində 
    İki od qaynağı –
     oy yüyürüm mən,
    Bu qaynar gözlərə sürmə gətirim 
    Təbrizin qaranlıq gecələrindən.
    
    Kəpəzin, Qoşqarın dərim gülünü, 
    Səpim yollarına, qədəmlərinə.
    Gəncənin Dərbəndin işıqlarını
    Qoy düzüm boynuna zümrüd yerinə.
    Sən bir ulu dağsan, mən dağ bulağı, 
    Bağrından süzülüb durulmuşam mən. 
    Öpüb oxşadığın körpələrinə,
    Ana mehrinə də vurulmuşam mən.
    
    Leylim,
     Beatriçam,
      Zöhrəm,
       Cülyettam!
    Bütün dastanlara ilkin yaraşıq! 
    Biz iki erada, altı qitədə
    Ölümsüz eşq üçün adaxlanmışıq.
  
  
    
    ______________________________________________
    Teqlər:  Xəlil Rza Ulutürk şeirləri, 
    Xəlil Rza Ulutürk sevgi sətirləri,şeirlər,sevgi şeiri,
    sevgi setirleri seiri xelil rza uluturk,seirler,sevgi şeirləri,
    xəlil rza ulutürkün sevgi sətirləri
  
#SevgiŞeirləri|#AyrılıqŞeirləri|#VətənpərvərlikŞeirləri