seirler.info

    (Zəlimxan Yaqub)
    
    İnsan oğlu vurulanda dünyaya,
    Yeri-göyü, dağı-daşı sevərmiş.
    Zaman onu ağlatsa da, gülərmiş,
    Gözlərindən axan yaşı sevərmiş.
    
    Eşq adama göydən nazil olarmış,
    Kimi xoşbəxt, kimi rəzil olarmış.
    Biri yaqut, biri qızıl olarmış,
    Qaş üzüyü, üzük qaşı sevərmiş.
    
    Alışarsan, eşq içini ovanda,
    Qapılardan səhralara qovanda.
    Hünərin var, dəli olma sevəndə,
    Leyli gedib ağlı çaşı sevərmiş.
    
    Canlar gedib bir cananın yolunda,
    İllər qurban bircə anın yolunda.
    Ay Zəlimxan, hər sevdanın yolunda
    Dərd ürəyi, ağrı başı sevərmiş.



    ______________________________________________
    Teqlər: Zəlimxan Yaqub şeirləri, 
    Zəlimxan Yaqub sevərmiş şeiri,şeir,
    severmis seiri zelimxan yaqub,seir,
    zelimxan yaqub seirleri,şeirlər
  
#SevgiŞeirləri|#AyrılıqŞeirləri|#VətənpərvərlikŞeirləri