seirler.info
Sevir
(Əliağa Vahid)
Bəxtiyar aşiq odur ki, onu cananı sevir,
Binəva bülbülünu öz güli-xəndanı sevir.
Mən o zülfün azı yüz dəfə bəlasın çəkdim,
Dəli könlüm yenə öl zülfi-pərişanı sevir.
E`tibar olmaz özün göstərən aşiqlərdə,
Əhsən ol aşiqə cananını pünhanı sevir!
Əsri-hazırkı gözəllikləri görmür zahid,
İndi də cəhlini gör, rövzeyi-rizvanı sevir.
Sevirəm mən o nəzakətli gözəl dilbəri ki,
Musiqi elmini, rəssamı, qəzəlxanı sevir.
Pir könlüm gəlir ilhamə görərkən, hərdən,
Bir nəcabətli gözəl qız, gözəl oğlanı sevir.
Vahidin ovçuluğu olsa da, insafı da var,
Öz kəməndinə duçar etdiyi ceyranı sevir.
_______________________________________________
Teqlər: Əliağa Vahid qəzəlləri,
Bəxtiyar aşiq odur ki, onu cananı sevir,
Əliağa Vahid sevir qəzəli,qəzəl,
Eliaga Vahid,sevir qezeli, qəzəllər,
Vahid qəzəllər,super qəzəllər,
Vahidin qəzəlləri,sevgi qezelleri