seirler.info
Sevmədi məni
(Rəşad Azəri)
Ömrümün nəşəsi, ömrümün ahı,
Sənsizlik yarası sevmədi məni.
Məhəbbət günahı, sevgi günahı,
Bəxtimin qarası sevmədi məni.
Dərdimi dağlara, daşamı deyim,
Oxuyan bülbülə, quşamı deyim,
Gözlərdən süzülən yaşamı deyim?
Dərdimin çarası sevmədi məni.
Həyatı mənimlə başladan, quran,
Sevgimin yolunda, önündə duran,
Bütün ağrıları qəlbimə vuran
Ömrümün yarısı sevmədi məni.
_______________________________________________
Teqlər: Rəşad Azəri şeirləri
#SevgiŞeirləri|#AyrılıqŞeirləri|#VətənpərvərlikŞeirləri