seirler.info
Sığal
(Zəlimxan Yaqub)
Qәlbim pәrişandı, könlüm nigaran,
Ruhumu meh vursun, yel sığallasın.
Dәrdimi başımdan dağıtmaq üçün
Saçımı bir yumşaq әl sığallasın.
Dönsün sevgilimә, dönsün yarıma,
Sevgi mәlәklәri gәlsin karıma.
Sәslәr sığal çәksin duyğularıma,
Tәzәnә xal vursun, tel sığallasın.
Alın әllәrindәn ağrının, yasın,
İtmәsin içindә ürәk his-pasın.
Şair әllәrinә tikan batmasın,
Şair barmaqları gül sığallasın.
Vurulan durnatәk çıxsam sıradan,
Toz kimi әriyib getsәm aradan,
Yarıda bilmәsә mәni Yaradan,
Qәbrimin üstünü bel sığallasın.
______________________________________________
Teqlər: Zəlimxan Yaqub şeirləri,
Zəlimxan Yaqub sığal şeiri,şeir,
sigal seiri zelimxan yaqub,seir,
zelimxan yaqub seirleri,şeirlər
#SevgiŞeirləri|#AyrılıqŞeirləri|#VətənpərvərlikŞeirləri