seirler.info
Maşallah, bu gözəl kimdi ki, Şirvanə gəlib
Maşallah, bu gözəl kimdi ki, Şirvanə gəlib,
Ləbini mürdəyi-sədsalə görüb canə gəlib.
Həmdlər xadiqi-bimislə ki, Şirvanı genə,
Salmağa tazədən ol müğbəçə samanə gəlib.
Meydə yox ləli-ləbində olan asari-səfa,
Sanma kim, gərdişə hərgiz belə peymanə gəlib.
Vərəqi-arizi-alın görüb ol lalə rüxün,
Bağ ara bülbüli-şeyda genə əfğanə gəlib.
Demərəm adını mən, bax səri-hər beytə bu gün,
Bilisen Seyyid özün kimdi ki, Şirvanə gəlib.
#SevgiŞeirləri|#AyrılıqŞeirləri|#VətənpərvərlikŞeirləri