seirler.info
Son görüş
(Elvin Elxanoğlu)
Neyləyək, bizimki belə gətirdi,
Nə sən günahkarsan, nə mən günahkar.
Qismət belə imiş, ayrılmalıyıq,
Nə qədər sevsək də biz bir zamanlar...
Artıq bu sevginin qatarı getdi,
Gecikdik, vaxtında yola çıxmadıq.
Bəlkə də qatarda heç yer olmadı,
Bəlkə də yer vardı, bilet tapmadıq.
Bu görüş sonuncu görüşümüzdü,
Son dəfə doyunca qoy baxım sənə.
Bilmirəm nə yalan tapım, nə deyim
Səni dəli kimi sevən qəlbimə...
Kəsdiyi peymanı unudub artıq,
Yalançı vədlərəmi alaldanıbdı?
Mən necə deyim ki – Sənin sevdiyin
Özgə birisinə nişanlanıbdı.
Qaranlıq fikirlər çox yorur məni,
Sənsiz bu həyatım necə olacaq?
Sən mənim günəşim olmuşdun axı,
Sənsiz gündüzüm də gecə olacaq...
Öpüb qoxladığım o saçlarına
Özgə əllərimi toxunacaqdır?
İnana bilmirəm, toyda yanına
Mən deyil, başqası oturacaqdır.
Birlikdə qururduq biz gələcəyi,
Görürsən, dünyamız uçub yox oldu.
Sevgimiz zamansız açan gül idi,
Şaxtaya dözmədi, solub yox oldu...
Əlvida, bizimki bura qədərmiş,
Bir daha qarşına çımayacağam.
Sənlə yaşadığım o xoş günləri
Sevgindən xatirə saxlayacağam.
#SevgiŞeirləri|#AyrılıqŞeirləri|#VətənpərvərlikŞeirləri