seirler.info
SON VİDA
(Xalidə Nuray)
Elə bil ömrümün sonudu vallah,
Son vida söyləyir pıçıltılarım
Ümidim çırpınır bir anım üçün.
Qəlbimi göynədir sızıltılarım.
Ömür yarpaqlarım xəzana dönüb,
Səpildi yoluma səssiz-səmirsiz.
Aylarım illərə əlvida dedi,
Hər anım ömrümə məndən xəbərsiz.
Azıram didərgin xəyallarımda,
Hıçqırıq səsləri içimi yeyir.
Boğulur ümidlər göz yaşlarımda,
Əyilməz qəddimi özündə əyir.
Daha ay işığı düşmür otağa,
Mənə həyan olan bircə şam yanır.
Əriyən damcılar qəflətə yetir,
Bu anda şam sönür qəlbim dayanır.
Soyuq divarlara çökür nəfəsim,
Üzgün xatirələr daşır,çağlıyır.
Ruhum da mənimlə son vidasına,
Oğlumla, qızımla birgə ağlıyır.
______________________________________________
Teqlər: Xalidə Nuray şeirləri,
Xalidə Nuray son vida şeiri,
son vida seiri Xalide Nuray,
xalide nuray seirleri,şeirlər,şeir
#SevgiŞeirləri|#AyrılıqŞeirləri|#VətənpərvərlikŞeirləri