seirler.info
Soruş
(Rəşad Azəri)
Bağbansız salınan bağ viranədir,
Gül ətrini gülə baxandan soruş.
Məhəbbət səhrada bir damla sudur,
Eşqiylə yandırıb-yaxandan soruş.
Dünya xatırladır oyun nərdini,
Zərin yek üzü var, yıxır mərdini.
İçini yandırıb-yaxan dərdini
Dərdi şimşək olub çaxandan soruş.
Şair dodağında sözü dünyanın,
Haqqı yandırıbdır közü dünyanın.
Nurundan kor olan gözü dünyanın
Gözündən yaş olub axandan soruş.
_______________________________________________
Teqlər: Rəşad Azəri şeirləri
#SevgiŞeirləri|#AyrılıqŞeirləri|#VətənpərvərlikŞeirləri