seirler.info

    Nagəhan könlümə düşdü şurişi-qovğayi-eşq,
    Aqili divanə qıldı aqibət sevdayi-eşq.
    
    Eşqə düşənlər bilir həm yenə eşqin qədrini,
    Ol aşiq aşiqmidir kim, olmadı rüsvayi-eşq.
    
    Eşq içində dinü dildən gəl keç imdi, ey fəqih,
    Şeyxi Sən’an kimi ol gəl sən dəxi tərsayi-eşq.
    
    Kim ki, istər dilbərinin xəlvətinə yol bula,
    Can fəda qılmaq gərəkdir min kərə dər payi-eşq.
    
    Sevgilimin sevgisindən özgə sığmaz könlümə,
    Sevgilimdən özgəyə qılmaz bu gün pərvayi-eşq.
    
    Könlümün viranəsin mə’mur qıldı eşqi-yar,
    Canımın xəlvətsərasın qılmışam mə’vayi-eşq.
    
    Aşiqi-canan olubsan, ey Nəsimi, sən bu gün
    Könlünü aldurdun, oldun axərin yəğmayi-eşq.
  


    ______________________________________________
    Teqlər:  Imadəddin Nəsimi qəzəlləri , 
    İmadəddin Nəsimi eşq qəzəli, qəzəllər , qezeller ,
    İmadeddin Nesimi qezelleri , qəzəl , qezel ,
    esq qezeli nesimi 
  
#SevgiŞeirləri|#AyrılıqŞeirləri|#VətənpərvərlikŞeirləri