seirler.info
Söz aşığı
(Sevda İbrahimli)
Payızın ətri var nəğmələrimdə
Həzin bir musiqi dodaqlarımda.
Boylanır xəyallar, arxamca düşür,
Kövrəlir ürəyim qələm sürüşür.
Payızın yağışı damlalar düşür,
Çiçəklər üşüyür, bağçalar küsür.
Yürüyür ömrümüz xəzana dönür,
Aramla, zamanla, ömür döyüşür.
Bir ömür yolunu yaşama hədər,
Qəm -qüssə olmasın,nədəki, kədər,
Qocalıq möhürün vurduğu vaxtı
Qəhərli olmasın könül fəryadı.
İllər fəsil-fəsil tez ötüb keçir
Payızı yola sal qiş gəlib deyir.
Çevrilir ömrümüz il naxışına.
Döndərir Sevdanı söz aşığına.
_______________________________________________
Teqlər: Sevda İbrahimli şeirləri
#SevgiŞeirləri|#AyrılıqŞeirləri|#VətənpərvərlikŞeirləri