seirler.info
Ölkəmdə sülh olarsa
(Elvin Elxanoğlu)
orta məktəb illərimin şeiri...
Qəlbdə sevinc yurd salar,
Göz yaşları quruyar.
Eldə toy-bayram olar,
Ölkəmdə sülh olarsa.
Ellər bilməz dərd, ələm,
Analar eyləməz qəm.
Gözəl görünər aləm,
Ölkəmdə sülh olarsa.
Kənd, şəhər abadlaşar,
Taxılımız bollaşar.
Tarlalar yaşıllaşar,
Ölkəmdə sülh olarsa.
Həyatımız dəyişər,
İşlər səhmana düşər,
Məhəbbət ülvüləşər,
Ölkəmdə sülh olarsa.
#SevgiŞeirləri|#AyrılıqŞeirləri|#VətənpərvərlikŞeirləri