seirler.info

    (Nəbi Xəzri)
    
    Hər yanda bir məclis qurulub gedir,
    Buz kimi bulaqlar durulub gedir,
    Dağların döşüylə burulub gedir,
    Gör necə qovuşur yollara yollar,
    Siz nə gözəlsiniz, yollar, a yollar.

    Dağın ətəyinə qədəm qoyunca
    Qarqar uğuldayır dərə boyunca,
    Durub hüsnünüzə baxım doyunca
    Baxım heyran-heyran mən sizə,
    yollar,
    Ilk dəfə gəlmişik üz-üzə, yollar!

    Sərin bulaqlardan ellər su içmiş,
    Dostunu düşməndən yaxşıca
    seçmiş,
    Burdan Vaqif ötmüş, Vidadi
    keçmiş,
    Gərək ki, onları tanıya yollar,
    Onların izləri hanı, a yollar?!
    
    Sevirəm çeşməli, sulu dağları,
    Vüqarlı dağları, ulu dağları,
    Döysə də qar, yağış, dolu dağları,
    Dolanıb aparır dağlara yollar,
    Bağçalara yollar, bağlara yollar.
  


    ______________________________________________
    Teqlər:  Nəbi Xəzri şeirləri, 
    Nəbi Xəzri Şuşanın yolları şeiri,seirler,
    susanin yollari seiri nebi xezri,
    şuşanın yolları,nebi xezri seirleri,şeirlər
  
#SevgiŞeirləri|#AyrılıqŞeirləri|#VətənpərvərlikŞeirləri