seirler.info

    (Cəfər Cabbarlı)

    Kaç yıl oldu, mən sənin babində növbət bəklədim,
    Sən şərab içdin, a zalım, mənsə şərbət bəklədim.
    
    Xələti şahiyi izzü iftixarimlə geyib,
    Təxtini aldım əlindən şahi-İranım deyib.
    Sanma zülm etdim sənə, mən tacını qəsb eyləyib
    Bunca bil səndən, a zalım, mən məhəbbət bəklədim,
    Sən inayət qılmadın, bihudə şərbət bəklədim.
    
    Heç maraq etmə, acıqlanma, bu dünyadır behi;
    Qalmaz əlbəttə mənə Tehran və Tabriz, Rəşt və Rey.
    Görmə çox başımda dursa zibü zinətlə bu şey.
    Mən sənin İrani-viranində türbət bəklədim,
    Sən şərab içdin, a zalım, mənsə şərbət bəklədim.
    
    Bir kəsə verməz aman, eyvah, bu çərxi-bivəfa,
    Hurilərlə sarmaşıb sən bəxtiyar ol daima.
    Mən də İran içrə geysəm çoxmu bir süslü əba
    Çünki tacü təxt üçün çox oldu qürbət bəklədim,
    Sən şərab içdin, a zalım, mənsə şərbət bəklədim.
  
  

    ______________________________________________
    Teqlər:  Cəfər Cabbarlı şeirləri , 
    Cəfər Cabbarlı tehrandan parisə,şeirlər,şeir,
    Cəfər Cabbarlı qezelleri,qəzəl,qezel,qezeller,
    cefer cabbarli tehrandan parise,seirler
  
#SevgiŞeirləri|#AyrılıqŞeirləri|#VətənpərvərlikŞeirləri