seirler.info
Telefonlar
(Elvin Elxanoğlu)
Əsir olduğumuz bu telefonlar
Dünyadan ayırıb sanki bizləri,
Ondan başqasına vaxt ayırmırıq,
Tamam yadlaşdırıb doğma kəsləri.
\
Dəyərli olanlar kənarda qalıb,
Deyərsiz olanı dəyərli edir.
Ən böyük bəla da burasındadı,
Milyonlar onların dalınca gedir.
Əsrin bəlasıdı bu telefonlar,
Çoxunun ağlını cılızlaşdırıb.
Baxmayın siz onun kiçikliyinə,
İnsan həyatını ucuzlaşdırıb.
Daha düşünmürük, hər ötən zaman
Dəyərsiz deyil ki, ömürdən gedir.
Durub düşünməsək, əmin olun ki,
Dünya uçuruma sürətlə gedir...
#SevgiŞeirləri|#AyrılıqŞeirləri|#VətənpərvərlikŞeirləri