seirler.info
TƏNHA DÜNYAM
(Xalidə Nuray)
Doydum daha bu yalanlar dünyasından,
Günah dolu bu çirkablı dəryasından,
Ovunduğum xoş xəyallar röyasından,
Tənhalaşıb, aralanıb mənim dünyam.
Ürəyimdə gizlətmişəm qəm sevdamı,
Yara kimi göynətmişəm mən, sevdamı,
Göz yaşlarım eyləyibdi nəm, sevdamı,
Əzablardan uralanıb mənim dünyam.
Kimisini bağışlayıb, dərk eyləyib,
Kimisinə doğmalaşıb, ərk eyləyib,
Bağışlanmaz günahlını tərk eyləyib,
Küskünləşib, yaralanıb mənim dünyam.
Yelkənsizəm, axtarıram öz dünyamı,
Çox aradım, tapammadım düz dünyamı,
Xalidəyəm, vərəqləyin söz dünyamı,
Görün, baxın, dəyər verin siz, dünyamı-
Haqqa doğru sıralanıb mənim dünyam!
______________________________________________
Teqlər: Xalidə Nuray şeirləri,
Xalidə Nuray tənha dünyam şeiri,
tenha dunyam seiri Xalide Nuray,
xalide nuray seirleri,şeirlər,şeir
#SevgiŞeirləri|#AyrılıqŞeirləri|#VətənpərvərlikŞeirləri