seirler.info
Tut ağacları
(Asim Yadigar)
Təbrizdə boyu 1,5-2 metrə çatan, salxım söyüdlərə bənzəyən tut ağacları gördüm...
Elə bil səsləri içində batıb,
Boyları boyumdan uca deyil ki...
Bu başıaşağı tut ağacları
Körpəcə uşaqdı-qoca deyil ki.
Mənə elə gəldi bu ağacların,
Günəşə uzanan əli kəsilib.
Boyu kəsilməyib bu ağacların,
Elə bil söz deyən dili kəsilib.
Bu barlı-bəhrəli tut ağacları
Göynəyən ağrımdı, acımdı mənim.
Bu başıaşağı tut ağacları,
Təbrizli qardaşım, bacımdı mənim.
______________________________________________
Teqlər: Asim Yadigar şeirləri
#SevgiŞeirləri|#AyrılıqŞeirləri|#VətənpərvərlikŞeirləri