seirler.info
Unudur adam
(Aytəkin Səfərəliyeva)
Nə var unutmağa unudur adam
Silir anıları silir toz kimi.
Bir az gecələrə həsrət yağdırır,
Yarının üstünə səpir duz kimi.
Nə var unutmağa unudur ürək
Unudur yuxular gözümdə səni.
Axşam söz verirəm düşünməyəcəm,
Səhərlər tapıram özümdə səni.
Nə var unutmağa bacararam mən
Sanma ki, acizəm eşqin önündə.
Görsən ağlayarsan unutmağımı
Düşüb xatirələr itin gününə.
Unutmaq asandır geci- tezi var
Bir gün doğmasıyam, bir gün də yadam.
Unuda bilmərəm dediyin kəsi
Hər gün bir az, bir az unudur adam.
Unuda bilmərəm dediyin kəsi,
İlahi! Nə gözəl unudur adam.
_______________________________________________
Teqlər: Aytəkin Səfərəliyeva şeirləri
#SevgiŞeirləri|#AyrılıqŞeirləri|#VətənpərvərlikŞeirləri