seirler.info

    (Bəxtiyar Vahabzadə)
    
    Ürək odur daim yana, 
 Od püskürə alovlana. 
 Od vermirsə qəlbə, cana 
 Demək o heç ürək deyil. 
 O heç mənə gərək deyil. 

  Əgər ki, sevinib gülmür, 
  Döyüntüsün heç kim bilmir, 
  Çırpıntısı eşidilmir 
  Demək o, heç ürək deyil. 
  O heç mənə gərək deyil. 

  Vətəniyçün lazım gəlsə 
  Polad kimi gərilməsə, 
  Torpağına sərilməsə 
  Demək o heç ürək deyil. 
  O heç mənə gərək deyil. 

  Neyləyirəm o ürəyi- 
  Yox arzusu bir diləyi!? 
  Bacarmırsa o sevməyi 
  Demək o heç ürək deyil. 
  O heç mənə gərək deyil!


  ______________________________________________
  Teqlər:  Bəxtiyar Vahabzadə şeirləri, 
  Bəxtiyar Vahabzadə ürək şeiri,
  urek seiri bextiyar vahabzade,seirler,
  Ürək odur daim yana

#SevgiŞeirləri|#AyrılıqŞeirləri|#VətənpərvərlikŞeirləri