seirler.info
ÜŞÜYƏN XATİRƏLƏR
(Xalidə Nuray)
Mən uşaqlıq illərini,
Xatırlayıb kövrəlirəm.
Uşaq olmaq istəyirəm...
O ərköyün sevgi dolu,
Gözlərimi sıxa-sıxa,
Mən anamın qucağına,
Yapışaraq ətəyindən
çıxa-çıxa...
Əyib başımı köksünə,
Əlini üzümə qoyub,
ürəyinin döyüntüsün,
həyacanla,
özüm duymaq istəyirəm.
Öz sevgimlə baxışına,
Pak ruhuna, gözlərinə
Axıb dolmaq istəyirəm.
Birdən eşidib səsini,
Sevinc dolu gülüşümlə
Üz-gözündən öpə-öpə,
Qucaqlayım mən atamı.
Göz yaşlarım inci kimi,
Süzüb axsın
köynəyinin yaxasına.
Həsrət çəkmiş dodaqlarım,
Yana-yana sinəsinə
Min rəng vursun.
Onsuz keçən günlərimə
Acı-acı dinib yenə “balam” desin.
Sevincimdən qanad açım,
Yenə qaçım...
Uşaqlarla oynamağa.
Kaş ki, dönəydim o çağa...
Uşaq olmaq istəyirəm...
O anları, o hissləri,
bu günümə,
Mən daşımaq istəyirəm,
O tərtəmiz sevgi dolu,
Məhəbbətli illərimi,
Mən yaşamaq istəyirəm.
Harda olsam
Üşüyürəm, isinmirəm...
O istini, məhəbbəti
Yoxluğuyla aparıbdı
atam-anam...
Bu arzuma qovuşmaqçün
Tək əlacım,
Gərək gedəm
Onları axtaram, tapam.
______________________________________________
Teqlər: Xalidə Nuray şeirləri,
Xalidə Nuray üşüyən xatirələr şeiri,
usuyen xatireler seiri Xalide Nuray,
xalide nuray seirleri,şeirlər,şeir
#SevgiŞeirləri|#AyrılıqŞeirləri|#VətənpərvərlikŞeirləri