seirler.info
Vətəndir
(Əliağa Vahid)
Könlüm yenə bülbül kimi şeydayi-vətəndir,
Məcnun edən aşiqləri Leylayi-vətəndir.
Yüzlərlə gözəl aşiqi olsam da mən, amma
Qəlbim yenə də aşiqi-sevdayi-vətəndir.
Dünyaya gözəllik verən, əlbəttə, günəşdir,
Ondan da gözəl xəlqə təcəllayi vətəndir.
Qoymaz bu müqəddəs yerə biganə toxunsun,
Hər kəs ki, sədaqətlidir, əbnayi-vətəndir.
Tərifi-behişt eyləməsin xəlqimə heç kəs,
Cənnət də, behişt də bizə səhrayi-vətəndir.
Vahid, elə zənn eylə ki, mən Yusifi-əsrəm,
Məşuqə mənə eşqi-Züleyxayi-vətəndir.
_______________________________________________
Teqlər: Əliağa Vahid qəzəlləri,
Könlüm yenə bülbül kimi şeydayi-vətəndir ,
Əliağa Vahid vətəndir qəzəli,qəzəl,
Eliaga Vahid,vetendir qezeli,
Vahid qəzəllər,super qəzəllər,
Vahidin qəzəlləri,sevgi qezelleri