seirler.info

    (Bəxtiyar Nemətli)
    
    Elə bil ki bəxtimizə yazılıb,
    Bu ayrılıq, bu göz yaşı, son vida.
    Səni, məni çevirmədik biz, bizə,
    Eşqimizə qoyulmadı bir nida.
    
    Qurban olum, gedişimə ağlama,
    Ürəyimi səndə qoyub gedirəm.
    Axı sən… özgə bir evdə gəlinsən,
    Həsrətə, hicrana doyub gedirəm.
    
    Küsürdüm payızdan onda, bax indi,
    Soyuq qış günündə ayrılırıq biz.
    Bir səma altında bulud tək dolub,
    Ayrı şəhərlərdə ağlayırıq biz.
    
    Tək qalıb Allaha indi görüş də,
    Rəhm edib o, ömür verər, ya verməz.
    Bir yuva qurmuşam sənə qəlbimdə,
    Səndən özgəsini görər, ya görməz.



    ______________________________________________
    Teqlər: Bəxtiyar Nemətli şeirləri, 
    Bəxtiyar Nemətli son vida şeiri,
    son vida seiri Bextiyar Nemetli,
    bextiyar nemetli seirleri,şeirlər
    
  
#SevgiŞeirləri|#AyrılıqŞeirləri|#VətənpərvərlikŞeirləri