seirler.info
Xocalı
(Elvin Elxanoğlu)
26 Fevral, o qanlı gecə,
Böyük bir faciə gördü Xocalı.
Yer-göy də ağladı onun halına,
Viranə şəhərə döndü Xocalı.
İpi başqasında olan düşmənlər
O gün Xocalıya hücum etdilər,
Nə qoca, nə qadın, uşaq demədən,
Yüzlərlə məsumu şəhid etdilər.
İşgəncə verdilər, əzab verdilər,
Belə vəhşiliyi tarix görmədi.
Nə qədər körpələr yetim qaldılar,
Çoxunun taleyi heç bilinmədi.
Belə faciəni unutmaq olmaz,
Bu bir soyqırımdı, dünya sussa da.
Misli görünməmiş bu vəhşiliyi
Bizlər unutmarıq, kim unutsa da.
Cəzasız qalmadı bunu edənlər,
Mərd oğullarımız hesab sordular.
Qisas qiyamətə qalmayacaqdı,
Bunu o qatillər unudurdular
#SevgiŞeirləri|#AyrılıqŞeirləri|#VətənpərvərlikŞeirləri