seirler.info

    (Cəfər Cabbarlı)

    Gördüm üzünü, bağçada laləm yada düşdü;
    Əmdim dodağın bal kimi, ağzım dada düşdü.
    
    Bir lalə yetişmişdi bu viranə çəməndə,
    Bad əsdi, xəzan vurdu da, laləm bada düşdü.
    
    Bir qönçə yetirdim, bəzədim, nazını çəkdim;
    Aldı fələk əldən onu, yanın yada düşdü.
    
    Bağlandı könül bir gülə, səs tutdu mahalı;
    Guya ki, bu dünyada qan oldu, qada düşdü.
    
    Söz verdi, sözün tutmadı, and içdi, unutdu;
    Bəlkə, deyirəm, yar usanıb innada düşdü?
    
    Bəxt onda ki, paylandı, biri çatmadı payə,
    Dünyada o bədbəxt də bizim bərbada düşdü.
    
    Bir ovçu kimi göldə gözəl bir sona vurdum,
    Çaldı qanadın göydə, gedib dəryada düşdü.
  
  

    ______________________________________________
    Teqlər:  Cəfər Cabbarlı şeirləri , 
    Cəfər Cabbarlı yada düşdü qəzəli,şeirlər ,şeir,
    Cəfər Cabbarlı qezelleri,qəzəl,qezel,qezeller ,
    cefer cabbarli yada dusdu qezeli,seirler,yada düşdü
  
#SevgiŞeirləri|#AyrılıqŞeirləri|#VətənpərvərlikŞeirləri