seirler.info
Yağış yağır
(Elvin Elxanoğlu)
Yağış yağır -
Damlaları döyəcləyir pəncərəmi,
Nə gözəldi.
Sanki yağış damcıları
Həzin bir musiqi olub
Unutdurur dərdlərimi...
Bir tərəfdə əsir külək,
Bir yanda da ildırımlar
Şaqqıldayır şaraq-şaraq -
Pəncərənin qabağında dayanmışam
Əllərimdə qələm, varaq...
Yağış yağır,
Seyr edirəm mənzərəni.
Uzaqda da göy qurşağı
Ən gözəl rəsm əsəritək
Valeh edir hər görəni...
Hər biri bir sübut olub
İsbat edir Yaradanın qüdrətini!
#SevgiŞeirləri|#AyrılıqŞeirləri|#VətənpərvərlikŞeirləri