seirler.info

    (Ramiz Rövşən)
    
    Yavaş-yavaş sevdim səni,
    Hər gün bir az da sevdim.
    Ən çox bu qış sevdim səni,
    Qarda, ayazda sevdim.
    
    Gör bir nə tez isinişdik
    Havalar soyuyanda.
    Adamlar qalın geyinib,
    Ağaclar soyunanda.
    
    Qar altından baş qaldıran
    Çiçəktək sevdim səni.
    İstisinə qızındığım
    Ocaqtək sevdim səni.
    
    Hələ bu cür sevməmişdim
    Ömrüm boyu heç kimi.
    Səni sevdim qar üstündə
    Yem axtaran quş kimi.
    
    Qorxa-qorxa bu sübh çağı
    Nə baxırsan göyə sən?
    Deyirsən ki, günəş çıxıb,
    Qar əriyir deyəsən…
  


_____________________________________
Teqlər: Ramiz Rövşən şeirləri,  
        Ramiz Rövşən yavaş-yavaş,
        Ramiz Rovsen seirleri ,
        yavaş-yavaş sevdim səni,
        yavas-yavas sevdim seni
        super şeir , şeirlər, seirler
  
#SevgiŞeirləri|#AyrılıqŞeirləri|#VətənpərvərlikŞeirləri